A jeni gati për një sfidë që është jashtëzakonisht e dobishme? Kultivoni pemë ulliri!

​

Rrethi Peqin e ka filluar rrugëtimin në këtë sfidë dhe në ditët e sotme ky rajon numëron gati 25000 pemë ulliri.

Rreth 20 - 25% e tyre janë trashëguar ndër shekuj dhe kjo kulturë përbën sot një dëshmi të gjallë e të qëndrueshme të trashëgimisë së këtij rajoni.

​

Profesor Hajri Ismaili, Universiteti Bujqësor i Tiranës - Instituti i Burimeve Gjenetike të Bimëve, në studimin e tij "Varietetet kryesore autoktone të ullirit olea europaea L. ssp sativa" thekson Mixën me origjinë nga Peqini.

Ky varietet ulliri, tipik për Peqinin, ka përmbajtje të lartë vaji dhe karakteristika specifike ushqyese.
Vaji i ullirit cilësor i prodhuar nga ullinjtë shekullorë të rajonit të Peqinit është një element themelor i kuzhinës së kësaj zone, dhe për këtë arsye ka një efekt thelbësor në jetëgjatësinë. Përreth kodrave të valëzuara, në të dy anët e lumit Shkumbin që gjarpëron, syri kurioz do të kapë lehtë kanavacën e gjelbër të përjetshme të ullinjve.

 

Fermerët zgjedhin varietetin që përshtatet më mirë me klimën. Të jetosh në Peqin do të thotë të ndash jetën tënde në një ambient miqësor me kulturen e ullirit.

Dita e vjeljes së ullirit në rajonin e Peqinit është e vecantë, tërheqëse, simbolizon një gëzim dhe magjepsje të një qytetari të kahershëm, dhe përcjell një domethënie të veçantë për banorët e saj.

​

Vitin e fundit kultivimi i pemëve të ullirit është zgjeruar dhe kjo demonstron marrëdhënien simbioze midis njeriut dhe natyrës.

Ai përcjell një shembull se si banorët e Peqinit, përmes bashkimit me natyrën, mund të lidhen me këtë kulturë hyjnore.

Në pemët e ullirit gjejmë ritmin e vazhdueshëm të jetës, fuqinë e formave të tyre antike.

Mbjellja e pemëve të ullirit, është dhe do të mbetet një risi që rindërton dhe kompaktëson lidhjen tonë me natyrën.

​

Banorët punëtorë të zonës së Peqinit janë të vendosur ta çojnë përpara këtë traditë të vjetër.